Температурата помеѓу (20-23)°C е оптимална за во зима. Законската регулатива инсистира на 20°C во станбените објекти и енергетската класа се определува за оваа температура. Со зголемување на температурата се зголемува потрошувачката и трошоците за топлинска енергија. Зголемувањето на температирата за 1°C, при стандардизирано регулирана вентилација од 0,5 измени на воздух на час, ја зголемува потрошувачката на енергија за околу 6%.
Различните температури (поголеми од 2-3 степени) на различни локации во домот, можат да бидат резултат на неколку причини:
- Изолацијата на одреден дел од фасадата да е оштетени и да го има загубено својството на изолација. При овој проблем треба да се направи визуелна проверка од наворешната страна за евентуални физички оштетување или доколку постои можност да се изврши снимање со термовизиска камера.
- Да постои инфилтрација на воздух од надвор заради стари прозори или нивно несоодветно вградување. При овој проблем, треба да изврши заптивање на сите места од каде влегува воздух од надворешната страна. Детекцијата на местата може да ја направите со свеќа или со дим, кој веднаш ќе реагира на местата каде има инфилтрација. Во краен случај може да биде потребно реинсталација на прозорите или замена со нови.
- Доколку имате централно греење, тогаш можно е запушување на цевките или грејните тела, со што истите не го грејат просторот. Во овој случај, треба да се направи чистење на топловодните системи и грејни тела. Треба да се проверат и вентилите кои исто така можат да бидат оштетени или запушени од нечистотија.
